«Лацио» бош мураббийи Маурицио Сарри «Наполи» жамоасини бошқаришга тайёр эканлигини билдирди. Бу ҳақда инсайдер Николо Скира хабар бермоқда.
Манбанинг маълумотларига кўра, 67 ёшли мутахассис неаполликлар билан 2028 йилгача мўлжалланган меҳнат шартномасини имзолаши мумкин. Агар келишув амалга ошса, Саррининг клубдаги йиллик иш ҳақи 2,8 миллион еврони ташкил қилади, бунга қўшимча равишда бонус тўловлари ҳам кўзда тутилган. Якуний қарорни қабул қилиш клуб президенти Аурелио Де Лаурентисга боғлиқ бўлиб турибди.
Италия А Сериясининг 37-туридан сўнг «Наполи» турнир жадвалида 73 очко билан иккинчи ўринда бормоқда. Жамоанинг пешқадам «Интер»дан орқада қолиши 13 очкони ташкил этади.
