«Трабзонспор»нинг камерунлик дарвозабони Андре Онана «Манчестер Юнайтед»га қайтади. Бу ҳақда BBC нашри хабар бермоқда.

Манбанинг маълумотларига кўра, 30 ёшли футболчи Туркия клубидаги ижара муддати якунланганидан сўнг «қизил иблислар» ихтиёрига қайтиб келади. Таъкидланишича, бошқа клублар томонидан қизиқишлар бўлаётганига қарамай, Онана ёзги йиғинларни «Манчестер Юнайтед» таркибида бошлайди. Бироқ унинг жамоа билан мавсумoldi турга бориш-бормаслиги ҳозирча номаълум.

Англия гранди 2023 йилда Онанани «Интер»дан 50 миллион евро эвазига сотиб олган эди. Ўтган ёзда дарвозабон асосий таркибдаги ўрнини йўқотди ва «Трабзонспор»га ижарага берилди. Жорий мавсумда у барча турнирларда 33 та ўйинда майдонга тушиб, ўз дарвозасидан 41 та гол ўтказиб юборди ва 6 та учрашувда дарвозаси дахлсизлигини сақлаб қолди.