«ПСЖ» клубининг россиялик дарвозабони Матвей Сафонов жорий мавсумда Франция чемпионати доирасидаги 15 та учрашувнинг 8 тасида ўз дарвозаси дахлсизлигини сақлаб қолди (ўйинни ноль билан якунлади).

Opta таҳлилий маркази маълумотларига кўра, бу Европанинг кучли бешлик чемпионатларида тўп сураётган дарвозабонлар орасидаги энг яхши фоизли кўрсаткич (53%) ҳисобланади. Рейтингнинг иккинчи поғонасидан Сафоновнинг жамоадоши Люка Шевалье жой олди — у россиялик посбондан атиги 0,3% га ортда қолмоқда.

Кучли учликни «Комо» клуби посбони Жан Бюте 51% лик кўрсаткич билан якунлаб берди. Лондоннинг «Арсенал» клуби дарвозабони Давид Райя ҳам шунга ўхшаш натижа қайд этган бўлса, кучли бешликка «Барселона» аъзоси Жоан Гарсия (50%) якун ясади.