«Ньюкасл» қанот ҳимоячиси Льюис Холл фаолиятини «Манчестер Юнайтед»да давом эттириши мумкин. Бу ҳақда журналист Алекс Крук хабар бермоқда.

Манбанинг таъкидлашича, 21 ёшли англиялик футболчи бошқа клублар томонидан қизиқиш ортиб бораётган бир пайтда «Ньюкасл»ни тарк этишга тайёр. «Манчестер Юнайтед» эса айни дамда янги чап қанот ҳимоячиси излаётган клублардан бири ҳисобланади. Тарқалган миш-мишларга қараганда, «қизил иблислар» спорт директори Жейсон Уилкокс Холлнинг ўйинига катта қизиқиш билан қарайди.

Жорий мавсумда Холл барча турнирларни инобатга олган ҳолда 46 та учрашувда майдонга тушиб, ўз ҳисобига 1 та гол ва 2 та голли узатмани ёздириб қўйди. Transfermarkt портали мутахассислари ҳимоячининг трансфер баҳосини 35 миллион еврога баҳоламоқда.