Германия терма жамоасининг асосий футболчилари Мануэль Нойернинг миллий жамоага қайтарилишини фаол равишда қўллаб-қувватлашмоқда ва бу борада бош мураббий Юлиан Нагельсманнга илтимос билан чиқишган, деб хабар бермоқда Bild нашри.
Нойернинг Чемпионлар Лигасидаги ишончли ўйинлари унинг Германия терма жамоасидаги шериклари келтираётган далилларни янада мустаҳкамлади. Айниқса, «Бавария»даги жамоадошлари Мануэлни терма жамоадаги фаолиятини якунлаш борасидаги қарорини қайта кўриб чиқишга ундашмоқда.
Шунингдек, Нойернинг оиласи ҳам уни қўллаб-қувватлади — улар дарвозабоннинг «Бавария»да яна бир мавсум қолишига ҳам, бўлажак Жаҳон чемпионатида эҳтимолий иштирокига ҳам розилик беришган.
