Португалия терма жамоаси бош мураббийи Роберто Мартинес Диогу Жотанинг фожиали ҳалокати жамоа учун жуда оғир дам бўлганини сўзлаб берди.
«Ливерпуль» клуби футболчиси ва унинг «Пенафиэл» сафида тўп сурган укаси Андре Тейшейра да Силва 2025 йилнинг 3 июль куни Испания шимоли-ғарбида юз берган автоҳалокат оқибатида вафот этишган эди. Улар юқори тезликда бошқа бир автомобилдан ўзиб кетаётган вақтда Lamborghini машинасининг шинаси портлаб кетган. Натижада бошқарувни йўқотган автомобиль йўл четидаги тўсиққа урилиб, ёниб кетган.
«У бизнинг куч-қувватимиз, қувончимиз эди. Ҳар биримизнинг ҳаётимизда жуда оғир дамлар бўлади. Диогудан айрилиш биз учун унутилмас ва жуда оғир лаҳза бўлди. Энди барчамиз Диогунинг орзуси учун курашишга бурчлимиз, у ҳамиша терма жамоамиз учун ҳақиқий ўрнак эди.
Диогу Жотанинг руҳи, кучи ва қолдирган намунаси биз учун майдонда доимо «плюс бир» (қўшимча куч) бўлиб қолаверади», — деди Мартинес.
