«Барселона» ярим ҳимоячиси Фермин Лопес ўнг оёқ кафт қисмида муваффақиятли операция қилинди, деб хабар бермоқда клуб матбуот хизмати.
Душанба, 18 май куни футболчида бешинчи кафт усти суягининг синиши аниқлангани маълум бўлган эди. 23 ёшли хавбекнинг тикланиши учун қанча вақт талаб этилишига ҳозирча аниқлик киритилмаган, бироқ футболчи ушбу жароҳат сабабли бўлажак ЖЧ-2026 мусобақасини ўтказиб юбориши мумкин.
Жорий 2025/26 йилги мавсумда Лопес «Барселона» таркибида барча турнирлар доирасида 48 та учрашувда майдонга тушиб, 13 та гол урди ва 17 та голли узатмани амалга оширди.
