АПЛнинг 37-туридан ўрин олган «Борнмут» ва «Манчестер Сити» ўртасидаги баҳсда қайд этилган дурангдан сўнг (1:1), «Челси» клуби Чемпионлар Лигасига йўлланма олиш учун бўлган барча имкониятларини йўқотди.
Якуний тур олдидан Андони Ираола шогирдлари 56 очко жамғарган ҳолда турнир жадвалида 6-ўринни банд этиб туришибди. «Челси» ҳисобида эса «Тоттенхэм»га қарши ўйин олдидан 49 очко мавжуд эди — лондонликлар мавсумнинг қолган учрашувларида «Борнмут»га барибир ета олишмайди.
АПЛда 6-ўринни эгаллаган жамоа фақатгина бир ҳолатда — агар «Астон Вилла» Европа Лигасида ғолиб чиқса ва АПЛда бешинчи ўринни банд этсагина Чемпионлар Лигасида қатнашиш ҳуқуқини қўлга киритади. Эртага бирмингемликлар мазкур турнир финалида «Фрайбург»га қарши майдонга тушишади.
