Англия Премьер-лигасининг 2025/2026 йилги мавсуми 37-туридан ўрин олган, Лондоннинг «Челси» ва «Тоттенхэм» клублари ўртасидаги баҳс якунланди. Ўйин Лондондаги «Стэмфорд Бридж» стадионида бўлиб ўтди ва унда мезбонлар 2:1 ҳисобидаги ғалабани қўлга киритишди.
Учрашувдаги илк голни 18-дақиқада «Челси» ярим ҳимоячиси Энцо Фернандес киритди. 67-дақиқага келиб яна бир ярим ҳимоячи Андрей Сантос мезбонларнинг устунлигини иккитага оширди. Меҳмонлар ҳужумчиси Ришарлисон 74-дақиқада ҳисобни қисқартиришга муваффақ бўлди. Ўйиннинг қолган вақтида жамоалар дарвозаларни қаттиқ қўриқлашди ва бошқа гол урилмади — 2:1.
Ушбу ғалабадан сўнг «Челси» Англия чемпионати турнир жадвалида 37 ўйиндан кейин 52 очко билан 8-ўринни эгаллаб турибди. «Тоттенхэм» эса АПЛ жадвалининг 17-поғонасидан жой олган. «Шпорлар» ҳисобида 38 очко мавжуд ва уларни хавфли ҳудуддан атиги икки очко ажратиб турибди.
Келгуси якуний турда «Челси» сафарда «Сандерленд» меҳмони бўлса, «Тоттенхэм» ўз майдонида «Эвертон»ни қабул қилади. АПЛ 38-турининг барча учрашувлари 24 май куни Тошкент вақти билан соат 20:00 да старт олади.
