«Манчестер Сити» ҳужумчиси Эрлинг Холанд бой берилган чемпионлик кейинги мавсумда жамоа учун қўшимча туртки бўлиши кераклигини таъкидлади.

АПЛнинг 37-турида «Ман Сити» «Борнмут» билан дуранг ўйнади (1:1) ва бу натижа «Арсенал»га муддатидан олдин чемпионлик унвонини нақд қилиш имконини берди.

«Якунда Премьер-лигадаги ҳар бир ўйин қийин кечиши маълум бўлди. Биз ҳаракат қилдик, аммо бу етарли бўлмади. Энди бутун жамоа ушбу муваффақиятсизликдан мотивация сифатида фойдаланиши керак. Биз ғазабланишимиз, ичимиздаги оловни ҳис қилишимиз шарт, чунки бу кўрсатилган натижа етарли эмас.

Чемпионликни қўлга кирита олмаганимизга икки йил бўлди, лекин бу худди бир асрдек туюлмоқда. Кейинги мавсумда шу ерда бўладиган барча футболчилар лигада ғолиб чиқиш учун қўлимиздан келган ҳамма ишни қилишга тайёрмиз», – деди Холанд.