«Барселона» ярим ҳимоячиси Гави жамоа ўз майдонида Мадриднинг «Реал» клубини мағлубиятга учратиб, чемпионликни қандай расмийлаштирганини ёдга олди.
Ла Лигадаги чемпионлик пойгаси расман 10 май куни «кўк-анорранглилар»нинг асосий таъқибчисига қарши кечган ўзаро учрашувида якунига етди. Каталонияликлар «қаймоқранглилар» устидан 2:0 ҳисобида ғалаба қозонишди ва ўз мухлислари кўз ўнгида бош совринни бошлари устига кўтаришди.
«Камп Ноу»да, ўз мухлисларимиз қаршисида, «эл-класико»даги ғалабадан сўнг чемпионликни нишонлаш... Бу ўзгача бир туйғу эди. Биз жуда бахтлимиз. Биз ўйинга аллақачон чемпион сифатида етиб келиш учун «Эспаньол»нинг «Реал» устидан қозонадиган ғалабасидан умид қилгандик, аммо якунда ҳаммаси бундан ҳам аъло даражада амалга ошди», – дея Гавининг Mundo Deportivo нашрига берган интервьюсидан иқтибос келтиради.
«Барселона» якуний тур олдидан «Реал»дан 11 очкога олдинда бормоқда.
