Мюнхеннинг "Бавария" клубида тўп сураётган ёш истеъдод соҳиби Леннарт Карл футбол бўйича 2026 йилги жаҳон чемпионати учун Германия миллий жамоаси таркибига чақирув олди, деб хабар бермоқда Sports.kz.
Немис журналисти ва инсайдери Флориан Плеттенберг маълумотига кўра, «бундестим» бош мураббийи Юлиан Нагельсман бу қувончли хабарни 18 ёшли вингерга шахсан етказган.
Таъкидлаш жоиз, Леннарт Карл «Бавария» асосий жамоасидаги илк тўлиқ мавсумида барча мусобақалар доирасида 39 та учрашувда майдонга тушиб, 9 та гол урди ва 8 та голли узатмани амалга оширди.
2026 йилги жаҳон чемпионати 11 июндан 19 июлга қадар АҚШ, Мексика ва Канадада бўлиб ўтади. Германия Е гуруҳидан жой олган бўлиб, унда Кюрасао, Кот-д’Ивуар ҳамда Эквадор терма жамоаларига қарши баҳс олиб боради.













