«Челси»нинг собиқ футболчиси Жон Оби Микел Хаби Алонсонинг «кўклар» бош мураббийи этиб тайинланишига муносабат билдирди.

«Хаби Алонсо «Челси»га келганидан жуда ҳам хурсандман ва бахтиёрман. Менимча, у ажойиб мураббий. У ёш ва иқтидорли мутахассис деб ҳисоблайман. Унинг «Байер» билан нималарга эришганини кўрдик — улар Бундеслигада бирорта ҳам ўйинда мағлуб бўлмай, «Бавария»нинг гегемонлигига чек қўйишди. У «Байер» билан мутлақо фантастик футбол намойиш этган ҳолда бунга эриша олди. Бундан ташқари, у Хосеп Гвардиоланинг шогирди ҳисобланади. Унинг ўйин услуби, учрашувда устунлик қилиш, ҳужумкорлик ва юқори прессингга асосланган қарашлари — айнан биз кўришни истаган нарсадир. Чунки таркибимизда иқтидорли футболчилар бор ва буни амалга ошириш учун салоҳиятимиз етарли», — деди Оби Микел ўз подкастида.

Эслатиб ўтамиз, Хаби Алонсо «Челси» билан 2030 йилнинг ёзига қадар мўлжалланган шартнома имзолади. У жамоа билан иш бошлашга 1 июлдан киришади.