«Астон Вилла» ярим ҳимоячиси Морган Роджерс Европа лигаси финалида «Фрайбург» устидан қозонилган ғалабадан (3:0) сўнг ўз фикрлари билан ўртоқлашди.
«Сўз топиш қийин... «Астон Вилла» бунга жуда қаттиқ интилган эди. Олдинда бор кучимизни беришимиз керак бўлган фақатгина битта ўйин қолганини билардик ва биз буни уддаладик. Бу мухлислар ва «Астон Вилла» учун буюк лаҳза — биз тарихга кирамиз.
Ўйиндан олдин нималарни ҳис қилдик? Ҳамма нарсадан оз-оздан. Ҳар ким буни ўзича бошдан кечиради, лекин бу жуда руҳлантирувчи эди. Бизда бу ерга келиш ва кубокни қўлга киритиш учун ажойиб имконият бор эди. Барча олдимизда турган вазифани яхши биларди ва биз уни бажардик», — дея Роджерснинг сўзларидан иқтибос келтиради УЕФА расмий сайти.
«Астон Вилла» ўз тарихида илк бор Европа лигасида ғолиб чиқди. Бу инглиз клуби учун 1982 йилдан бери илк йирик еврокубок финали эди. Ўшанда жамоа Европа чемпионлар кубоги ва УЕФА Суперкубогини қўлга киритган эди.
