«Реал» ҳимоячиси Даниэль Карвахаль жамоа билан хайрлашиш мақсадида махсус тадбир ташкиллаштирди.
18 май куни Мадрид клуби 34 ёшли футболчи жорий мавсум якунланганидан кейин таркибни тарк этишини эълон қилган эди.
Журналист Марио Кортегананинг хабар беришича, бугун Карвахаль жамоадошларини ва «Реал»нинг бир қатор ходимларини хайрлашув кечки таомига таклиф қилган. Бироқ у бош мураббий Альваро Арбелоани ушбу тадбирга чақирмаган.
Аввалроқ ОАВда Даниэль ва Альваро ўртасидаги муносабатлар совуқлашгани ва кескин тус олгани ҳақида хабарлар тарқалган эди.
