«ПСЖ» бош мураббийи Луис Энрике Чемпионлар лигаси финали арафасида «Арсенал» жамоаси ҳақида ўз фикрларини билдирди.

«Менинг фикримча, улар чемпионатдаги ғалабага муносиб эдилар, жуда ажойиб мавсумни ўтказишди. Биз бу «Арсенал»га қарши аввал ҳам ўйнаганмиз ва уларнинг даражасини яхши биламиз. Бу тўпсиз ҳаракат қилиш борасида энг яхши жамоалардан бири, тўп билан бўлганда эса жуда кўп гол уришади. Уларни финалда кўриш мантиқдан йироқ эмас. Ҳақиқатан ҳам улуғвор финал гувоҳига айланишимиз мумкин.

«Арсенал»нинг статистикасига назар ташласангиз, Микель Артета жамоага ғолиблик менталитетини олиб кирган лидер-мураббий эканлигини тушунасиз. Улар бир неча мавсумдан бери ўсишга эришмоқда, тўпга эгалик қилишни яхши кўришади, лекин шу билан бирга тўпсиз ўйнашда ҳам Европанинг энг яхши жамоаси ҳисобланишади. Улар АПЛда зафар қучишди ва ўтган мавсумдаги ярим финалдан сўнг, бу йил Чемпионлар лигаси финалига йўл олишди. Улар бу ерда бўлишга тўла лойиқ ва Артета ўз футболчиларига рақобатбардошлик руҳи ҳамда ғалабага бўлган интилишни сингдира олмоқда», — деди Энрике.

Эслатиб ўтамиз, «Арсенал» ва «ПСЖ» жамоалари 30 май куни Чемпионлар лигаси финалида ўзаро тўқнашадилар.