Испаниялик футболчи Даниэль Карвахаль «Реал»ни тарк этмоқда. Pianetamilan.it порталининг хабар беришича, «Милан» клуби сўнгги йилларда одат тусига айланган стратегияси — фаолиятининг чўққиси ортда қолган ёши катта футболчиларни таклиф қилиш режаси асосида уни ўз сафига қўшиб олишдан манфаатдор бўлиши мумкин.
Златан Ибраҳимовичнинг клубга иккинчи бор қайтиши ҳам айнан мана шундай характерда бўлган эди. Шунингдек, заҳирадан майдонга жуда муваффақиятли тушиб, айниқса «Милан»нинг А Серияда ғолиб бўлган мавсумида бир қатор муҳим голларни туҳфа этган Оливье Жиру трансфери ҳам худди шундай стратегия асосида амалга оширилганди. Тез орада бу борадаги янги тафсилотлар пайдо бўлиши мумкин.
