«Порту» клуби дарвозабон Диогу Коштани сотиб олиш бўйича «ПСЖ»дан ҳали расмий таклиф олгани йўқ, дея хабар бермоқда A Bola нашри.
Кошта яна Европанинг етакчи клублари эътиборини тортди ва сўнгги вақтларда «ПСЖ»нинг қизиқишлар доирасига тушиб қолди. Бироқ, «Порту» раҳбариятининг офисига француз клубидан ҳам, дарвозабон трансфери учун катта миқдорда маблағ тўлашга тайёр бўлган бошқа бирор-бир топ-жамоадан ҳам ҳеч қандай расмий таклиф ёки сўров келиб тушмагани қайд этилмоқда.
«Порту» президенти Андре Виллаш-Боаш Коштани «айдҳолар» таркибида сақлаб қолмоқчи ва уни шартномани охирги марта узайтириш вақтида белгиланган товон пули — 60 миллион евродан камига қўйиб юбормаслигини билдирган. Шунингдек, жамоа бош мураббийи Франческо Фариоли ҳам ушбу посбонга жиддий ишонч билдирмоқда.
