«Астон Вилла» бош мураббийи Унаи Эмери Европа лигаси ғолибига айланди. Бу Англия жамоасининг 2025/2026 йилги мавсум турнири финал учрашувида «Фрайбург» устидан қозонган ғалабасидан (3:0) кейин содир бўлди.
Ушбу натижа туфайли жорий мавсумдаги учта еврокубокдан камида иккитаси албатта испаниялик мураббийларга насиб қилиши аниқ бўлди. Чунки УЕФА Чемпионлар лигасининг бўлажак финалида (30 май) Луис Энрике қўл остидаги «ПСЖ» Микель Артета бошчилик қилаётган «Арсенал» билан тўқнашади. Тўқнашувда қайси жамоа ғалаба қозонишидан қатъи назар, бош соврин испан мутахассиси ҳисобига ёзилади.
Бундан ташқари, агар Иньиго Перес бошқарувидаги «Райо Вальекано» УЕФА Конференциялар лигасининг ҳал қилувчи баҳсида (27 май) австриялик мураббий Оливер Гласнер устозлик қилаётган Англиянинг «Кристал Пэлас» жамоасини мағлуб этса, испанлик мураббийлар жорий мавсумдаги барча учта еврокубокни қўлга киритишлари мумкин.
