Испания терма жамоаси бош мураббийи Луис де ла Фуэнте Мадриднинг «Реал» клуби таркибида испаниялик футболчилар етишмаётгани ҳақидаги саволга жавоб берди.
«Мен маҳаллий иқтидорларни ривожлантириш тарафдориман. Менинг фикримча, уларнинг барчаси Ла Лигада тўп суриши керак, зеро бу энг кучли лигадир. Шу қадар кўп футболчиларимизнинг хорижда ўйнаётгани ачинарли, албатта.
Терма жамоага қанчалик кўп футболчи чақира олсак, шунчалик яхши, айниқса улар «Реал» каби топ-жамоа шарафини ҳимоя қилаётган бўлишса», — дея маълум қилди Луис де ла Фуэнте.
