«Борнмут» марказий ярим ҳимоячиси Алекс Скотт фаолиятини «Манчестер Юнайтед»да давом эттириши мумкин. Бу ҳақда The Athletic нашри хабар бермоқда.

Манбанинг маълумотларига кўра, «қизил иблислар» 22 ёшли ярим ҳимоячига қизиқиш билдирмоқда ва аллақачон «Борнмут» билан эҳтимолий трансфер суммаси бўйича музокаралар ўтказишган. Бироқ, бу борадаги тафсилотлар ҳозирча ошкор қилинмаяпти.

Жорий мавсумда Скотт барча турнирларни ҳисобга олган ҳолда 39 та ўйинда майдонга тушиб, рақиблар дарвозасини тўрт бор ишғол қилди ва битта голли узатмани ўз ҳисобига ёзиб қўйди.

Скоттнинг «Борнмут» билан шартномаси 2028 йилгача мўлжалланган. Transfermarkt мутахассислари футболчининг қийматини 40 миллион еврога баҳоламоқда.