«ПСЖ» вингери Дезире Дуэ жамоадоши Хвича Кварацхелиянинг ўйини ҳақида ўз фикрлари билан ўртоқлашди.

«Кварацхелия майдонда қилаётган ишлари билан ажралиб туради, чунки унда ажойиб дриблинг ва ҳимояда ўйнаш қобилияти бор. Ҳимоячилар учун унга қарши туриш жуда қийин бўлса керак. У машғулотларда ҳам, ўйинларда ҳам мени ҳайратда қолдиради. Жамоамизда юқори даражада ўйнаш тажрибасига эга бўлган ва мен ўрнак оладиган футболчилар бор — Кварацхелия, Дембеле, Баркола. Бундай жамоадошлар ўсишга ёрдам беради», — деди Дуэ.

Жорий мавсумда Хвича Кварацхелия «ПСЖ» сафида барча турнирларда 47 та ўйин ўтказиб, 19 та гол урди ва 10 та голли узатмани амалга оширди.