«Челси»нинг аргентиналик ярим ҳимоячиси Энцо Фернандес, агар «кўклар»нинг собиқ устози Энцо Мареска жамоа бошқарувини қўлга олса, «Манчестер Сити»га ўтишга тайёр. Бу ҳақда ESPN Argentina хабар бермоқда.

Манба берган маълумотларга кўра, Фернандес «Манчестер Сити»да собиқ мураббийи билан қайта бирлашиш имконияти пайдо бўлса, буни мамнуният билан қабул қилади. Шу билан бирга, агар Мареска «шаҳарликлар» лагерига келса, ярим ҳимоячи унинг асосий трансфер мақсадига айланиши таъкидланмоқда.

Аввалроқ Мареска «Манчестер Сити» билан келишувга эришгани ҳақида хабарлар тарқалган эди. У Хосеп Гвардиола кетганидан кейин жамоанинг кейинги мураббийи бўлиши кутилмоқда.

Жорий мавсумда 25 ёшли Фернандес барча турнирларда 53 та ўйин ўтказиб, 15 та гол урди ва еттита голли узатма муаллифига айланди.