Мауро Лустринелли «Унион» эркаклар жамоасининг янги бош мураббийи этиб тайинланди.

Бундан аввалроқ, Мари-Луизе Эта берлинликлар эркаклар жамоаси бошқарувидаги сўнгги учрашувини ўтказган эди. Топ-5 лигалар тарихидаги илк аёл мураббий қўл остида клуб 2 та ғалаба, 1 та дуранг ва 2 та мағлубиятни қайд этди. Келаси мавсумдан бошлаб Эта «Унион»нинг аёллар жамоасини бошқаради.

50 ёшли швейцариялик мутахассис (Лустринелли) илгари «Тун» клубида турли лавозимларда ишлаган, 2018 йилда эса Швейцария U-21 ёшлар терма жамоасини бошқариб, уни икки бор Европа чемпионатига олиб чиққан.

2022 йилда Лустринелли «Тун» клубига эндиликда бош мураббий сифатида қайтди. Унинг қўл остида жамоа юқори дивизион — Суперлигага йўлланма олди ва Швейцария чемпионлигини қўлга киритди.

Янги мураббий Берлин клубига ўзининг мураббийлар штаби билан бирга ташриф буюради.