«Сантос» клуби шифокорлари Неймарнинг Жаҳон чемпионатига чақирилганидан бир неча кун ўтиб, яна жароҳат олганини маълум қилишди.

Ушбу нохуш хабардан сўнг, «Брайтон» ҳужумчиси Жоао Педро кутилмаганда Бразилия терма жамоаси сафига қайтиши мумкинлиги ҳақида хабарлар тарқалмоқда.

Маълумотларга кўра, терма жамоа мураббийлар штаби Неймарнинг ЖЧ-2026 турнирида иштирок эта олмаслик эҳтимолини ҳисобга олиб, унга зудлик билан ўринбосар қидирмоқда. Айни дамда инглиз клубида яхши мавсумни ўтказган Жоао Педро «пентакампеонлар» қайдномасига киритилиш учун энг асосий номзод бўлиб турибди.