«Бавария» мавсум якунида «шаҳарликлар» сафини тарк этадиган марказий ҳимоячи Жон Стоунзни сотиб олиш вариантини кўриб чиқмоқда. Бу ҳақда Daily Mail хабар бермоқда.
Манбанинг маълумотига кўра, агар Мюнхен клуби томонидан жиддий қизиқиш билдирилса, 31 ёшли футболчини эркин агент сифатида қўлга киритиш имконияти юқори бўлади.
Инглиз футболчиси 2016 йилнинг ёзидан буён «Манчестер Сити»да ўйнаб келмоқда. Жорий мавсумда Стоунз барча турнирларда 17 та ўйинда иштирок этди, бироқ самарали ҳаракатлари билан ажралиб турмади. Transfermarkt порталида берилган маълумотларга кўра, футболчининг бозор қиймати 15 миллион еврони ташкил этади.
