Бернарду Силва мавсум якунида «Манчестер Сити»ни тарк этишига изоҳ берди.

«Бизнинг авлодимиз етарлича ғалабаларга эришди деб ҳисоблайман. Шунингдек, ёш йигитлар учун ҳам ўз шон-шуҳрат дамларини яшаш вақти келди деб ўйлайман. Шахсан ўзим учун эса бу оиламга бироз яқинроқ бўлиш имкониятидир», — деди Силва «шаҳарликлар» матбуот хизматига.

Эслатиб ўтамиз, Силва «Сити»да фаолиятининг узоқ тўққиз йилини ўтказди. У «Монако»дан трансфер қилинганидан сўнг «шаҳарликлар» сафига келиб қўшилган эди. Ҳозирда ҳужумкор футболчи 31 ёшда, у «Бенфика» тарбияланувчиси ҳисобланади.

Силванинг клубдаги сўнгги мавсумида «Сити» Англия Кубоги ва Лига Кубогини қўлга киритди. Умумий ҳисобда Бернарду Манчестер клуби билан олти марта Англия чемпиони бўлди ва бир бор УEФА Чемпионлар Лигасида ғолиб чиқди.