"Челси"нинг ҳужумкор ярим ҳимоячиси Коул Палмер ва “кўклар” ҳимоячиси Ливай Колуилл 2026 йилги жаҳон чемпионатини ўтказиб юборади. Ҳар икки футболчи ҳам Англия миллий футбол терма жамоасининг мундиал учун қайдномасига киритилмайди. Бу ҳақда The Telegraph журналисти Мэтт Лоу ижтимоий тармоқдаги саҳифасида хабар берди.
Жорий мавсумда Палмер барча турнирларда 33 та учрашувда иштирок этиб, 10 та гол ва 3 та голли узатма муаллифи бўлди. Футболчи жароҳатлар сабаб клуб ва терма жамоа сафидаги 26 та ўйинни ўтказиб юборди.
Колуилл эса 2025 йил ёзидан 2026 йил апрелигача хочсимон боғламлари узилиши сабаб тикланиш жараёнини бошдан кечирди. Ҳимоячи барча мусобақаларда атиги 4 та ўйинда майдонга тушди.













