Лондоннинг «Арсенал» клуби дарвозабони Кепа Аррисабалага Миланнинг «Интер» клуби қизиқишлар доирасига тушиб қолди.
«Arsenal Radar» нашрининг хабар беришича, «нерадзуррилар» тажрибали захира дарвозабони излашмоқда ва 31 ёшли испаниялик посбон бу позиция учун «ишончли» ҳамда «ҳамёнбоп» вариант ҳисобланади.
Италия гранди Кепани ўз трансфер рўйхатига (шорт-лист) киритди, бироқ ҳозирча музокаралар олиб борилаётгани йўқ.
Аррисабалаганинг «тўпчилар» билан амалдаги шартномаси 2028 йилгача мўлжалланган бўлиб, унинг «Transfermarkt» порталидаги тахминий баҳоси 7 миллион еврони ташкил этади.
Жорий мавсумда Кепа Микель Артета жамоаси сафида барча турнирларда 11 та ўйинда майдонга тушиб, ўз дарвозасидан 11 та тўп олиб чиқди ва 4 та учрашувда «қуруқ» ўйин ўтказди.
