Германия Бундеслигасида «Хоффенхайм» шарафини ҳимоя қилаётган кот-д'ивуарлик вингер Базуман Туре фаолиятини Англия Премьер-лигасининг топ-клубида давом эттириши мумкин.
Teamtalk журналистларининг берган маълумотларига кўра, «Ливерпуль» раҳбарияти футболчининг трансферига қизиқиш билдирмоқда ва бўлажак келишув устида амалий ишларни бошлаб юборган. Туренинг мерсисайдликлар сафига ўтиши ёзги трансфер мавсумида амалга ошиши кутилмоқда. Ушбу эҳтимолий трансфер қиймати тахминан 40 миллион еврога баҳоланмоқда.
Якунига етган Бундеслига мавсумида Базуман «Хоффенхайм» таркибида 30 та учрашувда майдонга тушди. Иқтидорли футболчи ўз ҳисобига 5 та гол ва 9 та голли узатмани ёздириб қўйишга муваффақ бўлди.
