«Химки» клуби собиқ футболчиси, ҳозирда эса телевидениеда эксперт сифатида фаолият юритаётган Алексей Никитин португалиялик мутахассис Жозе Моуриньонинг Мадриднинг «Реал» клуби бош мураббийлигига қайтиши мумкинлиги ҳақида фикр билдирди.
«“Реал”нинг танлови тушунарли. Раҳбарият жамоага футболчиларни бирлаштира оладиган мотиватор мураббий керак деб ҳисоблади. Алонсо ёки Клопп каби тизимли тактик мураббий Перес қўл остида ишлай олмайди», — деди эксперт «Матч ТВ» телеканали эфирида.
Эслатиб ўтамиз, жорий мавсум якунига қадар «қироллик клуби»ни Альваро Арбелоа бошқариб туради. Ла Лиганинг сўнгги тури доирасида «қаймоқранглилар» Бильбаонинг «Атлетик» клубига қарши майдонга тушишади. Учрашув 23 май куни бўлиб ўтади.
