Испания Ла Лигаси раҳбари Хавьер Тебас Мадриднинг «Реал» клуби президенти Флорентино Переснинг яқинда клубдан ўғирланган титуллар ҳақида айтган гапларига муносабат билдирди. Переснинг сўзларига кўра, «қаймоқранглилар»дан нақд еттита чемпионлик «ўғирланган». Ушбу баёнот жамоатчилик томонидан «Барселона» клуби шаънига айтилган айблов сифатида қабул қилинди.
«Йўқ, бу ҳақиқатга тўғри келмайди. Мен «Реал»нинг бу бўйича 500 саҳифалик ҳисоботини кўришни истайман. Бизда ҳам ҳисобот бор, аммо 500 саҳифалик эмас», — дея Испания ОАВлари Тебаснинг сўзларини келтирмоқда.
Жорий мавсумда ҳам «Реал» Ла Лига олтин медалларини «Барселона»га бой берди. Сўнгги тур олдидан «кўк-анорранглилар» мадридликларни 11 очкога ортда қолдириб, чемпионликни нақд қилиб бўлишган.
