«Барселона»нинг швециялик вингери Руни Барджи 2026 йилги Жаҳон чемпионати учун терма жамоага чақирилмагани сабаблари ҳақидаги миш-мишларга муносабат билдирди. Аввалроқ, 20 ёшли футболчининг қайдномага киритилмагани ўйин билан боғлиқ бўлмаган сабаблар туфайли эканлиги хабар қилинган эди.

«Мен гапиришим кераклигини тушундим, чунки мен ҳақимда тарқатилаётган миш-мишлар ҳеч қандай асосга эга эмасди. Айтилган гапларга зид равишда, ўйиндан кейинги кечки овқат менга жуда ёқди. Биз уни худди «Барселона» билан Ла Лигадаги ғалабани нишонлагандек, жамоадошларим билан бирга байрам қилдик», — дея Рунининг сўзларини келтиради Barça Universal.

Жорий мавсумда ҳужумчи барча турнирларни ҳисобга олганда 28 та ўйинда иштирок этди, 2 та гол урди ва 4 та голли узатмани ўз ҳисобига ёзиб қўйди.