Англия миллий терма жамоаси бош мураббийи Томас Тухель жамоасининг ЖЧ-2026да ғолиб чиқиш имкониятлари ҳақида ўз фикрларини билдириб ўтди.
«Тўғрисини айтсам, орзу қилиш мумкин. Мен ҳам бир лаҳзага орзуларга берилишим мумкин, бироқ шу заҳоти воқеликка қайтаман ва вазифани босқичларга бўлиб чиқаман. Аллақачон илк йиғилишимиздаёқ биз ўзимиз учун ҳамма нарсани аниқ белгилаб олгандик: келинглар, ғалаба қозонишга ҳаракат қиламиз.
Агар ички қувватимиз (энергиямиз) ва бор кучимизни бериб ўйнашимиз юқори даражада бўлса, жамоада бирдамлик ва биродарлик ҳисси туйилса, мухлислар албатта буни кўришади. Шу билан бирга, биз бир нарсани аниқ тушуниб етгандик — майдонда катта иштиёқ ва азарт билан ўйнашимиз керак. Мақсад тушунарли ва аниқ, бироқ уни босқичларга бўлиш муҳим — аввалига йиғин, кейин эса гуруҳ босқичи», — дея таъкидлади Тухель.
