Мадриднинг «Реал» клуби собиқ футболчиси ва мураббийи Хорхе Вальдано иккинчи йил кетма-кет совринсиз қолаётган клуб мухлисларига маслаҳат берди. «Реал» икки йилдан буён бирорта ҳам соврин юта олмаяпти.
«Сабр қилиш керак. Нима бўлишидан қатъи назар, мен «Реал»нинг мухлиси бўлиб қоламан. Клуб ҳақида менда жуда гўзал хотиралар бор, гарчи ёқимсиз ва ҳатто фожиали хотиралар ҳам йўқ эмас», — дея Вальданонинг сўзларидан иқтибос келтиради derbyderbyderby.it.
Эслатиб ўтамиз, Хорхе Вальдано 1984 йилдан 1987 йилгача «Реал» сафида тўп сурган, кейинроқ эса 1994 йилдан 1996 йилгача «қироллик клуби»ни бошқарган. Таъкидлаш жоизки, у мураббийлик фаолиятини ўша 90-йиллардаёқ якунлаган эди.
