Madridning «Real» klubi sobiq futbolchisi va murabbiyi Xorxe Valdano ikkinchi yil ketma-ket sovrinsiz qolayotgan klub muxlislariga maslahat berdi. «Real» ikki yildan buyon birorta ham sovrin yuta olmayapti.

«Sabr qilish kerak. Nima bo‘lishidan qat’i nazar, men «Real»ning muxlisi bo‘lib qolaman. Klub haqida menda juda go‘zal xotiralar bor, garchi yoqimsiz va hatto fojiali xotiralar ham yo‘q emas», — deya Valdanoning so‘zlaridan iqtibos keltiradi derbyderbyderby.it.

Eslatib o‘tamiz, Xorxe Valdano 1984 yildan 1987 yilgacha «Real» safida to‘p surgan, keyinroq esa 1994 yildan 1996 yilgacha «qirollik klubi»ni boshqargan. Ta’kidlash joizki, u murabbiylik faoliyatini o‘sha 90-yillardayoq yakunlagan edi.