«Ливерпуль» ёзги трансферлар ойнасида «Лейпциг» вингери Ян Диомандени ўз сафига қўшиб олишни мақсад қилган. Бу ҳақда журналист Дэвид Орштейн ўзининг X ижтимоий тармоғидаги саҳифасида маълум қилди.

Манбага кўра, инглиз клуби Кот-д'Ивуар терма жамоасининг 19 ёшли футболчиси учун курашда «ПСЖ»ни ортда қолдирди. «Лейпциг» ўз футболчиси учун 100 миллион евро талаб қилмоқда.

Футболчининг амалдаги шартномаси 2030 йилгача мўлжалланган. Transfermarkt портали Диоманденинг бозор қийматини 75 миллион еврога баҳоламоқда.

Жорий мавсумда Диоманде барча мусобақаларда 36 та ўйинда майдонга тушиб, 13 та гол урди ва 10 та голли узатмани амалга оширди.