Туриннинг «Ювентус» клуби собиқ ҳимоячиси Алессио Таккинарди A Сериянинг охиридан олдинги турида «Фиорентина»га мағлуб бўлиб, Лига чемпионлари йўлланмасини қўлга киритиш вазифасини анча қийинлаштириб юборган клуб муаммоларидан норози.
«Аввалига «Верона» билан ғалати ўйин бўлди, «Фиорентина» билан эса умуман муваффақиятсизликка учралди. Мен майдонда бирор тайинли ҳаракат кўрмадим. «Ювентус» мавсумнинг энг масъулиятли пайтида панд берди», — дея Таккинардининг сўзларидан иқтибос келтиради derbyderbyderby.it.
Эслатиб ўтамиз, Таккинарди Туриннинг «Ювентус» клубида 1994 йилдан 2007 йилгача тўп сурган.
