«ПСЖ» вингери Брэдли Баркола «Ливерпуль»га ўтиши мумкин. Англия гранди анчадан бери «РБ Лейпциг» аъзоси Ян Диомандега қизиқиш билдириб келаётган эди, бироқ 19 ёшли ивуарлик футболчини сотиб олиш унинг юқори нархи (тахминан 100 млн евро) ва кучли рақобат туфайли осон бўлмайди.
Инсайдер Фабрицио Романонинг хабар беришича, агар Диоманде «ПСЖ»га ўтишни афзал кўрса, «Ливерпуль» катта эҳтимол билан Баркола номзодига эътибор қаратади.
Transfermarkt экспертлари талқинига кўра, 23 ёшли французнинг нархи 70 млн еврони ташкил этади, унинг парижликлар билан шартномаси 2028 йилгача мўлжалланган. Миш-мишларга кўра, Барколага Лондоннинг «Арсенал» клуби ҳам даъвогарлик қилмоқда.
