«Барселона» бош мураббийи Ханс-Дитер Флик қанот ҳимоячиси Жюль Кунде нима учун каталонияликларнинг сўнгги машғулотида қатнашмаганига изоҳ берди.
«Айни дамда унда айрим кичик муаммолар борлигини кўряпман. Биз унга ғамхўрлик қиляпмиз ва унинг ҳолатини тўғри бошқаряпмиз. Унинг тикланиш жараёни ижобий кетмоқда», — деди Флик матбуот анжуманида.
Мутахассиснинг қўшимча қилишича, Кунде учун ҳозирги асосий мақсад — ўз соғлиғини асраш ва жаҳон чемпионатига қадар оптимал спорт формасига киришдир. Жорий мавсумда франциялик ҳимоячи «кўк-анорранглилар» сафида 47 та ўйинда майдонга тушиб, 3 та гол урди ва 4 та голли узатмани амалга оширди.
