Нидерландиялик қанот ҳимоячиси (латераль) Дензел Дюмфрис фаолиятини Миланнинг «Интер» клубидан Мадриднинг «Реал» клубига кўчириши мумкин. Бу ҳақда Defensa Central журналистлари хабар бермоқда.
Манбага кўра, Дюмфриснинг номзоди «қироллик клуби» фахрийси Дани Карвахаль ўрнига асосий ўринбосар сифатида кўрилмоқда. Эслатиб ўтамиз, испаниялик футболчи 2025/2026 йилги мавсум якунида «Реал»ни тарк этади.
Дензелнинг «нерадзуррилар» билан тузган шартномасида белгиланган товон пули 25 миллион еврони ташкил қилади. Унинг миланликлар билан амалдаги келишуви 2028 йилнинг ўрталаригача мўлжалланган.
2025/2026 йилги мавсумда Дюмфрис 28 та ўйинда майдонга тушиб, ўз ҳисобига 5 та гол ва 2 та голли узатмани ёздириб қўйган.
