«Ан-Наср» устози Жорже Жезуш якунланган Саудия Арабистони чемпионатининг энг яхши мураббийи деб эълон қилинди.
Португалиялик мутахассис қўл остида Ар-Риёд клуби 2019 йилдан бери илк бор чемпионлик шоҳсупасига кўтарилди. Жамоа мавсум давомида бир қатор ажойиб натижаларни қайд этди:
-
Энг кўп ғалаба (28 та).
-
Энг узун ғалабали серия (кетма-кет 16 та ўйин).
-
Энг кўп гол урган жамоа (91 та).
-
Энг яхши тўплар нисбати (+63).
-
Шунингдек, «Ал-Наср» «Ал-Аҳли» билан биргаликда энг кўп «қуруқ» ўйин ўтказган жамоа бўлди (17 та).
Мавсумнинг индивидуал совриндорлари:
-
Тўпурар (Олтин бутса): «Ал-Қодисия» ҳужумчиси Хулиан Киньонес 33 та гол билан мавсумнинг энг яхши тўпурарига айланди. У «Ал-Аҳли» ҳужумчиси Айвен Тоунини атиги бир гол фарқи билан ортда қолдирди. Ўтган икки мавсумда ушбу совринни қўлга киритган «Ан-Наср» форварди Криштиану Роналду бу сафар 28 та гол билан чекланди.
-
Энг яхши дарвозабон (Олтин қўлқоп): «Ал-Аҳли» посбони Эдуар Менди энг яхши деб топилди. У ва «Ал-Ҳилол» дарвозабони Яссин Буну тенг миқдорда (14 та) «қуруқ» ўйин ўтказишган бўлса-да, сенегаллик дарвозабон камроқ гол ўтказиб юборгани (18 тага қарши 20 та) эвазига устунликка эришди.
