«Челси»нинг собиқ бош мураббийи Энцо Мареска «Манчестер Сити»да Хосеп Гвардиоланинг ўрнини эгаллашга тайёргарлик кўрмоқда.
Transfer News Live нашрининг журналист Саймон Филлипсга таяниб хабар беришича, италиялик мутахассис янги жамоасида «Челси»да бирга ишлаган даврларидан яхши таниш бўлган Марк Кукурелья билан қайтадан бирга ишлашни истамоқда. Бўлажак «шаҳарликлар» устози чап қанот ҳимоячисининг ўйинига юқори баҳо беради.
Марк Кукурельянинг Лондон клуби билан амалдаги шартномаси 2028 йилнинг ўрталарига қадар мўлжалланган. Transfermarkt порталига кўра, футболчининг бозор қиймати 50 миллион еврони ташкил этади. Миш-мишларга кўра, 27 ёшли испаниялик футболчига «Барселона» ҳам қизиқиш билдирмоқда.
