Мадриднинг «Реал» клуби собиқ бош мураббийи, айни пайтда Бразилия терма жамоасини бошқараётган Карло Анчелотти «қаймоқранглилар» сардори Даниэль Карвахаль ҳақида илиқ фикрлар билдирди.

34 ёшли қанот ҳимоячиси жорий мавсум якунида «қироллик клуби»ни тарк этади. Ла Лига 38-тури доирасида бугун бўлиб ўтадиган «Атлетик» Бильбаога қарши учрашув испаниялик футболчи учун «Реал» либосидаги сўнггиси бўлади.

«Карвахаль — профессионалликнинг ва «Реал»да ўйнаш учун зарур бўлган барча фазилатларнинг мукаммал тимсоли. У ўз маҳорати, садоқати ва энг муҳими, қадриятлари туфайли порлоқ фаолиятни ортда қолдирди. У билан йиллар давомида бирга ишлаганимдан фахрланаман», — дея Анчелоттининг сўзларини келтиради Madrid Universal.

Даниэль Карвахаль мадридликлар сафида барча турнирлар доирасида жами 450 та ўйин ўтказган.