«Милан», «Челси» ва Нидерландия терма жамоасининг собиқ ярим ҳимоячиси Руд Гуллит «Арсенал» бош мураббийи Микель Артета ҳақида гапирар экан, у «Манчестер Сити» устози Хосеп Гвардиоланинг тизимини «ўғирлаб олганини» таъкидлади. Гуллитнинг фикрича, айнан шу омил Артетанинг жорий мавсумдаги муваффақиятларида ҳал қилувчи рол ўйнаган. Эслатиб ўтамиз, «канонирлар» устози бу мавсумда ўз собиқ ҳамкасбини ортда қолдириб, Премьер-лига чемпионлигини қўлга киритди.

«Гвардиола – фантастик мураббий. Энг қизиғи шундаки, Пепнинг ғояларини ўғирлаганларнинг барчаси муваффақият қозонмоқда. Микель Артета ундан деярли ҳамма нарсани олган. У ҳимоядан ҳужум қуриш фалсафасини сингдирди; у айнан шу орқали барча совринларни ютди. Аммо кейин бошқалар буни уддалай олмайдиган ўйинчилар билан такрорлашга уринишади. Пеп бундай ўйин учун махсус қанча ҳимоячи сотиб олди? Жуда кўп. Демак, агар сизда бундай ўйинчилар бўлмаса, буни қилманг.

Ҳар сафар клублар «Бу бизнинг фалсафамиз», деганини эшитганимда, йўқ, бу Пепнинг фалсафаси бўлганини айтаман. Ва ҳар сафар жамоалар мавсумнинг энг муҳим паллаларида ўз дарвозаси олдидан тўпни ўйнаб чиқишга уриниб, очко йўқотаётганини кўрганимда, буни яққол ҳис қиламан», – дея Гуллитнинг сўзларидан иқтибос келтиради Manchester Evening News.