«Барселона» президенти Жоан Лапортадан «Манчестер Сити» ҳужумчиси Эрлинг Холанд ва «Атлетико» форварди Хулиан Альвареснинг Каталония клубига эҳтимолий ўтиши борасида изоҳ бериш сўралди.
Холанд ҳақида
«Шунчаки мақтаниш ёки кўз-кўз қилиш учун трансферлар ҳақида гап бўлиши мумкин эмас. Мухлислар бизда кучли жамоа борлигини тушуниб туришибди».
Альварес ҳақида
«Биз ҳеч кимни рўйхатдан чиқариб ташлаганимиз йўқ, чунки «Барселона» энг яхши ўйинчилар учун кураша олади. Шартларни биз белгилаймиз», — дея Лапортанинг сўзларини келтиради Mundo Deportivo.
«Кўк-анорранглилар» президенти клуб «ақлдан озганча» қадамлар ташламаслигини ва янги харидлар спорт директори Деку томонидан белгиланган мезонларга асосланиши кераклигини таъкидлади.
