«Реал» президентлигига даъвогарлик қилаётган Энрике Рикельмени Испания банклари қўллаб-қувватлашни истамади.
El Pais нашрининг хабар беришича, Cox Energy энергетика компанияси раҳбари Banco Santander ва BBVA банкларидан зарур бўлган молиявий кафолатларни ололмаган.
Voz Populi маълумотларига кўра, бу рад жавоби Мадрид клубининг амалдаги раҳбари Флорентино Перес томонидан бўлган босим билан боғлиқ. «Реал» президенти, шунингдек, юқорида тилга олинган ҳар икки банк билан яқин алоқада бўлган Grupo ACS қурилиш компаниясининг эгаси ҳамдир. Ҳар икки молиявий-кредит ташкилоти Переснинг атрофидагилар томонидан Рикельме ёки Флорентинонинг бошқа бирор рақобатчисини қўллаб-қувватлаш эҳтимолий ишбилармонлик оқибатларига олиб келиши ҳақида огоҳлантирилган.
Эндиликда Cox Energy раҳбари хорижий банклар — Scotiabank ва Andbank билан музокаралар олиб бормоқда. Andbank аллақачон кафолат хатини тақдим этган.
