«Челси» бош мураббийи Хаби Алонсо ўзининг янги клубида Арда Гюлер билан қайта топишишни истамоқда. «Кўклар» мадридлик ярим ҳимоячига жиддий қизиқиш билдирмоқда.
Goal нашри хабарига кўра, Алонсо туркиялик футболчининг трансфери ғоясини фаол қўллаб-қувватламоқда. «Қироллик клуби» 21 ёшли хавбек билан хайрлашишни истамаяпти, шу сабабли унинг учун камида 100 миллион евро талаб қилади. Transfermarkt порталида Арда Гюлернинг нархи 90 миллион евро этиб белгиланган.
Жорий мавсумда футболчи «қаймоқранглилар» сафида барча турнирларда 50 та ўйинда майдонга тушиб, ўз ҳисобига 6 та гол ва 14 та голли узатмани ёздириб қўйди. Эслатиб ўтамиз, Хаби Алонсо ўтган йилнинг июнь ойида «Реал» бошқарувини қўлга олган эди, бироқ январь ойидаёқ истеъфога чиқарилганди.
