«Chelsi» bosh murabbiyi Xabi Alonso o‘zining yangi klubida Arda Gyuler bilan qayta topishishni istamoqda. «Ko‘klar» madridlik yarim himoyachiga jiddiy qiziqish bildirmoqda.

Goal nashri xabariga ko‘ra, Alonso turkiyalik futbolchining transferi g‘oyasini faol qo‘llab-quvvatlamoqda. «Qirollik klubi» 21 yoshli xavbek bilan xayrlashishni istamayapti, shu sababli uning uchun kamida 100 million yevro talab qiladi. Transfermarkt portalida Arda Gyulerning narxi 90 million yevro etib belgilangan.

Joriy mavsumda futbolchi «qaymoqranglilar» safida barcha turnirlarda 50 ta o‘yinda maydonga tushib, o‘z hisobiga 6 ta gol va 14 ta golli uzatmani yozdirib qo‘ydi. Eslatib o‘tamiz, Xabi Alonso o‘tgan yilning iyun oyida «Real» boshqaruvini qo‘lga olgan edi, biroq yanvar oyidayoq iste’foga chiqarilgandi.