Лондоннинг «Арсенал» клуби вингери Букайо Сака жамоанинг Премьер-лигадаги яқинда қўлга киритган зафари ҳақида фикр билдирди. «Канонирлар» «Манчестер Сити» ва «Борнмут» ўртасидаги дуранг натижадан сўнг муддатидан олдин Англия чемпионига айланишди.
«Мен ҳали ҳам бунга ишона олмаяпман. Эмоциялар мени қамраб олди — енгиллик, қувонч. Биз ҳали кубокка тегмадик, лекин якшанба куни уни бошимиз узра баланд кўтарамиз. Бу лаҳзани интизорлик билан кутяпмиз», — деди Сака клуб каналига берган интервьюсида.
«Арсенал» 22 йил ичида илк бор Премьер-лига ғолибига айланди. Якшанба куни Микель Артета шогирдлари сўнгги тур доирасида сафарда «Кристал Пэлас»га қарши майдонга тушадилар.
